ٹسٹ میچ میں کوئی نرمی نہیں۔ آسٹریلیا

حیدرآباد۔3دسمبر(اعتماد نیوز)
کرکٹ آسٹريليا نے يقين دلایا ہے کہ ہندوستان کے ساتھ نو دسمبر سے ایڈیلیڈ میں کھیلے جانے والے پہلے ٹیسٹ میچ کے لئے کوئی نرمى اختيار نہيں کى جائے گی اور بلے باز فلپ يوز کی موت کے بعد اگر کئی کھلاڑی نام واپس لیتے ہیں تو متبادل کھلاڑیوں کو میچ کے لیے تیار رکھا جائے گا۔
اطلاعات کے مطابق کپتان مائیکل کلارک کو ٹسٹ سیریز کے لیے ٹیم میں جگہ بنانے کے پیش نظر اپنی فٹنس ثابت کرنے کا پورا موقع دیا جائے گا۔ اس کے علاوہ



سی اے نے یقین دلایا ہے کہ ہيوز کے انتقال کے بعد مايوس آسٹريليائى کھلاڑیوں میں اگر کوئی پہلے ٹیسٹ سے ہٹتا ہے تو اس کی جگہ پہلے ہی متبادل کھلاڑیوں کو تیار رکھا جائے گا تاکہ میچ پورے مقابلہ کے ساتھ کھیلا جا سکے۔ 12 رکنی آسٹريليائى ٹیم میں کپتان کلارک کا نام شامل ہے ۔ جو ميکسولے میں ہيوز کى تدفين کے بعد ایڈیلیڈ روانہ ہوں گے۔ ہندوستان کے ساتھ پہلا ٹیسٹ ایڈیلیڈ میں نو دسمبر سے شروع ہونا ہے۔ کلارک کي جمعہ کي صبح سے میچ کے لیے پریکٹس شروع کرنے کی امید ہے۔